GKG salurinn

Um salinn

GKG salurinn er staðsettur í nýju og stórglæsilegu húsi Golfklúbbs Garðabæjar, aðeins steinsnar frá Vífilsstöðum. Salurinn er bjartur og fallegur, með stórum gluggum sem bjóða upp á einstakt útsýni. Fyrir framan salinn er stór verönd með borðum og stólum, fullkomin fyrir þá sem vilja njóta veðurblíðunnar og ferska loftsins. Inni í salnum skapa falleg eikargólf og stílhreinar innréttingar hlýja og góða stemningu. Salurinn rúmar þægilega 150 - 200 manns til borðs og hægt er að aðlaga uppstillinguna að óskum hvers og eins. Þar er bar, fullkomið eldhús, gott hljóðkerfi og loftefni sem tryggja framúrskarandi hljóðvist. Á staðnum er píanó fyrir tónlistaráhugafólk og fullkomin stýring á ljósum og birtu. Meðal annars er boðið upp á góða flatskjái og myndvarpa fyrir þá sem þurfa. Aðkoman að húsinu er mjög góð, hvort sem er fyrir rútur eða einkabíla, með nægum bílastæðum. Við bjóðum upp á vandaða veisluþjónustu með hlaðborðum, smáréttum, steikum og sjávarréttum, allt eftir þínum óskum.

Algengar spurningar